ဗုဒ္ဓ၏ အံ့ သြဖွယ် မိန့် ခွန်းတော်များ...........
“ဗုဒ္ဓ”သည် ကမ္ဘာပေါ်ရှိ မည်သည့်ဘာသာအယူဝါဒထူထောင်ဖွဲ့စည်းသူမျှ မပြုလုပ်ဝံ့၊
မပြုလုပ်နိုင်သော“ထူးခြားအံ့ဖွယ် ကမ္ဘာကျော်မိန့်ခွန်းတစ်ရပ်”ကို ရဲဝံ့ပြတ်သားစွာဟောကြားခဲ့
ပါသည်။
အိန္ဒိယနိုင်ငံ၊ကောသလတိုင်း၊ကေသမုတ္တိရွာသား၊ကာလာမလူမျိုးတို့ကိုဟောကြား
သော“ကာလာမသုတ္တန်”သည်“အမှန်တရားကိုရှာဖွေသူတစ်ဦးထံသို့ ဗုဒ္ဓ၏လက်ဆောင်လမ်း
ညွှန်ချက်”တရားတို့ပင်ဖြစ်သည်။
ဤ သုတ္တန်တရားတော် မှ ဗုဒ္ဓ၏မိန့်ခွန်းသံသည် အတွေးအမြင်မှုန်ဝါးနေသူကို အလင်း
ရောင်ခြည်ရစေသော“မီးရှုးတန်ဆောင်ပမာ”ဖြစ်ပါသည်။ဘာသာရေးထုံးတမ်းစဉ်လာကြားတွင်
တွေဝေငေးမောနေသူများကို သစ္စာတရားလမ်းမှန်ဆီသို့ တက်တက်ကြွကြွ လျှောက်လှမ်းနိုင်
အောင် လမ်းဖွင့်ပေးလိုက်သော ကြည်လင်ချိုမြသည့်“ဓမ္မခေါင်းလောင်းသံ”လည်းဖြစ်ပေသည်။
ဗုဒ္ဓ ၏ ထို မိန့်ဆိုချက်မှာ……
“အို….ကာလာမလူမျိုး အမျိုးကောင်းသားတို့…၊
သင်တို့သည် လက်ခံကျင့်သုံးအပ်သော အမှန်တရားဓမ္မတို့ကို ဤ အချက်(၁၀)ချက်
ဖြင့် ဆင်ခြင်စိစစ်၍ ဆုံးဖြတ်အားထုတ်ကြကုန်လော့…။
(၁) ဤတရားတော်သည် မိရိုးဖလာ ရှေးအစဉ်အဆက်က ပြောကြားသိမှတ်လာခဲ့တာပဲ
လို့“ရှေးစကား”ဖြစ်ရုံနဲ့လည်း အယူဝါဒတစ်ခုကို လက်မခံလိုက်ပါနဲ့ဦး။
(၂) ဘိုးစဉ်ဘောင်ဆက် ကျင့်သုံးလာခဲ့တဲ့ “ဓလေ့ထုံးစံ”ဖြစ်ရုံနဲ့ပဲ အားလုံးကို အမှန်ဖြစ်
တယ် လို့ယူဆပြီး လက်မခံလိုက်ပါနဲ့ဦး။
(၃) လူအများကပြောနေကြတာပဲ ဆိုပြီးတော့ လူသိထင်ရှား“နာမည်ကျော်ကြားရုံ”နဲ့
မစုံစမ်းမဆင်ခြင်ဘဲ အဲဒီ အယူဝါဒကို လက်မခံလိုက်ပါနဲ့ဦး။
(၄) “ရှေးဟောင်းစာပေကျမ်းဂန်”တွေထဲမှာ ရေးထားတာပဲ ဆိုပြီးတော့လည်း အလွယ်
တကူ လက်မခံလိုက်ပါနဲ့ဦး။
(၅) မိမိဥာဏ်ရှိသမျှ တွေးခေါ်ကြံဆထားတဲ့ “အယူအဆ”ကိုလည်းပဲ မှန်လှပြီ လို့မသတ်
မှတ် လိုက်ပါနဲ့ဦး။
(၆) အဲဒီတရားအယူအဆဟာဖြင့် ထောက်ပံ့အမှီပြုအပ်တဲ့ “နည်းနာနိဿယ”တွေ၊
အကြောင်းပြချက်တွေရှိနေတာဘဲ ဆိုပြီးတော့လည်း အလွယ်တကူ လက်မခံလိုက်
ပါနဲ့ဦး။
(၇) မိမိဘာသာ“တွေးခေါ်ကြံစည်ဆင်ခြင်ပြီး”။ဟုတ်လှပြီ လို့ သဘောကျနှစ်ခြိုက်ရုံနဲ့လဲ
မှန်လှပြီ လို့ မယူဆလိုက်ပါနဲ့ဦး။
(၈) ဒီတရားအယူအဆတွေဟာဖြင့် မိမိစဉ်းစားတွေးတောထားတာတွေနဲ့“တူညီတာပဲ”
ဟု ဆိုရုံမျှနဲ့ လည်း အမှန်တွေဘဲ လို့ လက်မခံလိုက်ပါနဲ့ဦး။
(၉) အများက“လေးစားရိုသေအပ်တဲ့ ပုဂ္ဂိုလ်ကြီး”ရဲ့ ပြောတဲ့စကားပဲ ဆိုပြီးတော့လည်း
မဆင်မခြင် ပဲ မယုံကြည်လိုက်ပါနဲ့ဦး။
(၁၀) ငါတို့ ရင်းနှီးကျွမ်းဝင်ချစ်ခင်တဲ့“ငါတို့ဆရာသမား”ပြောကြားတဲ့စကားပဲ ဆိုပြီတော့
လည်း အပြီးသတ် လက်ခံ ယုံကြည်မှုကို မပြုလိုက်ပါနဲ့ဦး။
“ကာလာမ လူမျိုးတို့……
သင်၏ကိုယ်ပိုင်ဥာဏ်ဖြင့် ဦးစွာဆင်ခြင်သုံးသပ်ကာ…..
ဤတရားတို့ကား..မကောင်းမှု တရားတို့ပေတည်း။
ဤတရားတို့ကား..အကျိုးမဲ့အပြစ်ကိုသာဖြစ်စေသောတရားတို့တည်း။
ဤတရားတို့ကား..ပညာရှိတို့ကဲ့ရဲ့အပ်သော တရားတို့တည်း။
ဤတရားတို့ကား..ဆင်းရဲဒုက္ခအပေါင်းမှ လွတ်မြောက်ကြောင်းမဟုတ်သောတရား
တို့ပေတည်း……ဟု
ရှောင်ရှားပယ်စွန့်သင့်သည်တို့ကိုစွန့်ပစ်ကာ လက်ငင်းအကျိုးကျေးဇူးအမှန်တကယ်
ပြုနိုင်သော တရားတို့ကိုသာ လက်တွေ့ကျင့်သုံးပြီးမှ ယုံကြည်လက်ခံကြပါ….ဟု
ပွင့်လင်းစွာ မိန့်ကြားခဲ့ပါသည်။
“ဘာသာအယူဝါဒဂိုဏ်းဂဏ ထူထောင်သူတို့သည်…
ငါ့ကိုသာယုံကြည်ကိုးကွယ်ကြရမည်။
ငါပြောသည့်အတိုင်းသာပြုလုပ်ကြရမည်။
ငါ့ကိုမယုံကြည်လျှင် အပြစ်ရှိသည်။ငရဲ သို့ကျရောက်စေရမည်။”…ဟုခြိမ်းခြောက်ဟောပြော၍
လူစုနေချိန်တွင်……”
“ဗုဒ္ဓ” က…
“ငါပြောတာကိုလည်းရမ်းပြီးမယုံလိုက်ပါနဲ့ဦး။
ဆင်းရဲဒုက္ခငြိမ်းအေးပြီး ချမ်းသာသုခကိုဖြစ်စေတဲ့ ….
သစ္စာ(၄)ပါး၊မဂ္ဂင်(၈)ပါး..တရားဓမ္မကို ဦးစွာကျင့်သုံးပြီး ကိုယ်တိုင် ပစ္စုပ္ပန်မှာ လက်တွေ့
သဘာဝကျကျ အကျိုးခံစားရမှ ယုံယုံကြည်ကြည်နဲ့လက်ခံကြပါ”…ဟု..
ဟောကြားရဲခြင်းသည်…
ဓမ္မ၏မြင့်မြတ်မှန်ကန်သော..ဂုဏ်တော်တစ်ရပ်ပင်ဖြစ်ပြီး၊ကမ္ဘာပေါ်ရှိဘာသာအယူဝါဒမျိုးစုံတို့
အတွက် “အံ့သြတုန်လှုပ်ဖွယ် မိန့်ခွန်းတော်တစ်ရပ် ” ပင်ဖြစ်ပေတော့သည်။
ကျမ်းကိုး- I.D.F မှထုတ်ဝေသည့်“-“ဓမ္မရသ စာစုများ”အမှတ်(၂)၊(စာ-၁၄)
ပတ္တမြားရွှေဂူ
ပြစ်မရှိ ပြစ်ရှာ လမင်းကို ခွေးဟောင်လို့ ရွှေလရောင် ပြောင်မပျက်တယ် ထွန်းလျက်ပင်သာ။
မြရွှေဂူ ပတ္တမြားကိုလ ၀က်များက ငြူစူစွာ ညွန်လူးကာတိုက်နဲ။
ပွတ်လေလေ ဂူရွှေမှာ အရောင်ထွက်တယ် ရှေးကထက်ကဲ။
(လေးဆစ်) မန်လည်ဆရာတော်
သင်သေသွားသော် သြော်....လူ့ပြည်လောက လူ့ဘ၀ကား အိုရနာရသေရဦးမည် မှန်ပေသည်တည်း။ သို့တပြီးကား..... သင်သေသွားသော် သင်ဖွားသောမြေ၊ သင်တို့မြေသည်၊ အခြေတိုးမြင့်၊ ကျန်ကောင်းသင့်၏။ သင်၏မျိုးသား၊ စာစကားလည်း၊ ကြီးပွားတိုးမြင့် ကျန်ကောင်းသင့်၏။ သင်ဦးချ၍ အမျှဝေရာ စေတီသာနှင့်၊ သစ္စာအရောင် ဥာဏ်တန်ဆောင်လည်း ပြောင်းလျက်ဝင်းလျက် ကျန်စေသတည်း။ (ဇော်ဂျီ)
စွယ်တော်လေးဆူ။။
ဒကာမကြီး မင်္ဂလာပါ!
ဦးဇင်း ဒကာမကြီးကို မြတ်စွာဘုရား စွယ်တော်တွေအကြောင်းကို ရေးပေးမယ်လို့ တလောက ပြောမိတယ်၊၊ အဲဒါအခု ကျောင်းပိတ်ထားတော့ အချိန်နည်းနည်းအားလို့ ရေးပေးလိုက်ပါတယ်၊၊ မြတ်စွာဘုရား အလောင်းတော်ကို မီးပူဇော်တာကနေ စပြောရအောင်ပါ ဒကာမကြီး၊၊
မြတ်စွာဘုရား ခန္ဓာတော်ကို မီးပူဇော်အပြီးမှာ စွယ်တော်လေးဆူနဲ့ ဓာတ်တော်ရှစ်စိတ်၊ ရှစ်ပြည်ကြွင်းကျန်ရစ်တယ်လို့ ပိဋကတ်စာပေမှတ်တမ်းမှာ တွေ့ရပါတယ်၊၊ စွယ်တော်လေးဆူဆိုတာက:
(၁) အထက်လက်ယာ စွယ်တော်
(၂) အထက်လက်ဝဲ စွယ်တော်
(၃) အောက်လက်ယာ စွယ်တော်
(၄) အောက်လက်ဝဲ စွယ်တော် …..လို့ စွယ်တော်လေးဆူရှိပါတယ်၊၊
စွယ်တော်များကို အတိုင်းတိုင်း အပြည်ပြည်က မင်းတွေက စစ်ပြုပြီး လုယူကြမယ်လုပ်နေတုန်းမှာ အဲ့ဒီမင်းတွေကို ငယ်စဉ်က ပညာသင်ပေးဘူးတဲ့၊ အားလုံးက လေးစားကြောက်ရွံ့ ရိုသေရတဲ့ ဒေါဏ အမည်ရှိတဲ့ ပညာရှိအမတ်ကြီးက ဓာတ်တော်များကို ဝေငှဖို့အားလုံးက သဘောတူကြ ပါတယ်တဲ့ ဒကာမကြီး၊၊
ဒေါဏအမတ်ပညာရှိကြီးဟာ ဓာတ်တွေများကို ဝေငှတဲ့အခါမှာ စွယ်တော်များကို မဝေပေးဘဲ ၀ှက်ထားပါတယ်တဲ့ ဒကာမကြီး၊၊ ဓာတ်တော်တွေကို ဝေတဲ့အခါမှာ ရွှေပြည်တောင်းနဲ့ ချင့်ပြီး ဝေတယ်လို့လဲ မှတ်တမ်းမှာ လေ့လာရပါတယ်၊၊
အဲဒီတော့ အတိုင်းတိုင်း အပြည်ပြည်က မင်းတွေကလလည်း ဘယ်သူ့အထဲ စွယ်တော်တွေပါသွားလဲ မသိတော့ဘူးဆိုပါတော့ ဒကာမကြီး၊၊ အဲဒီလျို့ဝှက်ချက်ကို သိတဲ့ သိကြားမင်းက အထက်လက်ယာ စွယ်တော်တို့ တန်ခိုးနဲ့ ယူပြီး တာဝတိံသာ နတ်ပြည်က စူဠာမဏိစေတီတော်ကြီးမှာ ဌာပနာလိုက်ပါတယ်တဲ့ ဒကာမကြီး၊၊
အထက်လက်ဝဲစွယ်တော်ကိုလည်း ရဟန္တာမထေရ်တစ်ပါးက တန်ခိုးတော်နဲ့ ပင့်ပြီး၊ သူ့တိုင်း ပြည်ဖြစ်တဲ့ ဂန္ဓာရတိုင်းဘုရင်လက်ထဲကို အပ်လိုက်ပါတယ်တဲ့ ဒကာမကြီး၊၊ ဂန္ဓာရတိုင်းဆိုတာ အခုလက်ရှိ ပါကစ္စတန်ကို ပြောတာပါ၊၊ ပါကစ္စတန်နဲ့ တရုပ်ပြည်က ပြည်နယ်ချင်း စပ်နေတာပါ၊၊
အဲဒါကြောင့် သူမြေကိုယ်က လုလိုက်၊ ကိုယ့်မြေသူကလုလိုက်နဲ့ နှစ်တွေထောင်ချီကြာလာတဲ့အခါမှာ အထက် လက်ဝဲ စွယ်တော်ကို ဌာပနာထားတဲ့ စေတီကြီးတည်ရှိတဲ့ စစ်ကိုင်းတောင်လို တောင်ကြောကြီးဟာ တရုပ်နယ်မြေထဲကို ရောက်လာပါတယ်တဲ့ ဒကာမကြီး၊၊ ဒါပေမဲ့ အဲဒီစေတီကြီးထဲမှာ စွယ်တော်အစစ်ရှိတယ်ဆိုတာတော့ မသိကြဘူးပေါ့၊၊
စစ်ဘေး စစ်ဒဏ် တွေခံခဲ့ရတာရော၊ နှစ်ပေါင်း ကြာလာတာရောကြောင့် တနေ့မှာ အဲဒီစေတီကြီးဟာ ပြိုကြလာပါတယ်တဲ့ ဒကာမကြီး၊၊ စေတီကြီး ပြိုကလာတဲ့အထဲမှာ ရှာကြဖွေကြတော့ ဌာပနာကြုပ်ကြီးတခုကို တွေ့ကြပါတယ်တဲ့၊၊
ဌာပနာကြုပ်ကြီးကို ဘုရင်လက်ဆက်သပြီး ဖွင့်ကြည့်တဲ့အခါမှာ ဘာသာစကား သုံးမျိုးနဲ့ရေးထားတဲ့ ကမ္ဗည်စားတမ်းကို တွေ့ရပါတယ်တဲ့၊၊ အဲဒီစာတမ်းအရ မြတ်စွာဘုရားရဲ့ စွယ်တော်အစစ်ဖြစ်ကြောင်း သိရှိရပြီး ယနေ့အထိ တရုပ်ပြည်သူ့သမ္မတနိုင်ငံမှာ ကိုးကွယ်နေကြပါတယ် ဒကာမကြီး၊၊
မြန်မာနိုင်ငံကိုတောင် အပူဇော်ကြွဘူးတာကို ဒကာမကြီး သိမှာပါ၊၊ အဲဒါ မြတ်စွာဘုရားရဲ့ အထက် လက်ဝဲ စွယ်တော်ပေါ့ မယ်တော်ကြီး၊၊ အဲဒီစွယ်တော်ကို အင်္ဂလိပ်လူမျိုး အရိုးပညာရှင်တွေရော၊ ဂျာမန်ပညာရှင်တွေရော အကြိမ်ကြိမ်စစ်ဆေးတာ တကယ့် လူသားတယောက်အရဲ့ အရိုးဓာတ်တော် ဖြစ်ကြောင်း၊ နှစ်ပေါင်းလဲ နှစ်ထောင်ကျော်ပြီး ဖြစ်ကြောင်း အတည်ပြုကြပါတယ်တဲ့ ဒကာမကြီး၊၊ စွယ်တော်ပုံကို အနီးကပ်ရိုက်ထားတဲ့ ပုံကို ဒကာမကြီးဆီ ဦးဇင်းပို့ထားပြီးပါပြီ၊ ထပ်ဖူးလိုက်ပါအုံး မယ်တော်ကြီး၊၊
နောက်ထပ် အောက်ပိုင်းလက်ယာ စွယ်တော်ကိုတော့ ဒေါဏအမတ်ကြီး ၀ှက်ထားတဲ့နေရာကနေ နဂါးပြည်က နဂါးမင်းက တန်ခိုးနဲ့ယူပြီး နဂါးပြည်မှာ ရတနာစေတီတည်ပြီး ကိုးကွယ်ပါတယ်တဲ့ ဒကာမကြီး၊၊
နောက်ဆုံးကျန်နေသေးတဲ့ အောက်ပိုင်း လက်ဝဲစွယ်တော်ကိုတော့ အရှင်သာရိပုတ္တရာရဲ့ တပည့် အရှင်ခေမာလို့ ခေါ်တဲ့ ရဟန္တာမထေရ်မြတ်က ဒေါဏအမတ်ကြီး ၀ှက်ထားရာကနေ တန်ခိုးတော် နဲ့ယူပြီး သူနေတဲ့တိုင်းပြည်က ဘုရင်ဗြမ္မဒတ္တကို ပေးအပ်လိုက်ပါတယ်တဲ့ ဒကာမကြီး၊၊
အဲဒီတိုင်းပြည်နာမည်က ကလိင်္ဂတိုင်း ဒန္တပူရပြည်နယ်လို့ စာပေမှတ်တန်းမှာတွေ့ရပါတယ်၊၊ လက်ရှိ အန္ဒိယနိုင်ငံ သြဒိဿပြည်လို့ ဆိုပါတယ်၊၊ မင်းအဆက်ဆက် ပြည်သူအဆက်ဆက် ကိုးကွယ်ကြပြီး နှစ်ပေါင်း (၆၃၀)ကြာလာတဲ့အခါမှာ ကလိင်္ဂတိုင်းကို ဂူဟသီဝဆိုတဲ့ ဘုရင်အုပ်ချုပ်ပါတယ်တဲ့ ဒကာမကြီး၊၊
အဲဒီဘုရင်လက်ထက်မှာ စစ်တွေအကြီးကြယ်ဖြစ်တဲ့အတွက် စွယ်တော်ကို တိုင်းတပါးသားတွေ လက်ထဲရောက်မဲ့ ဘေးမျိုးအထိဆိုက်လာပါတယ်တဲ့ မယ်တော်ကြီး၊၊ အဲဒါကြောင့် မင်းကြီးက သူ့သမီးတော် ဟေမမာလာနဲ့ မားမက်တော်ကို စွယ်တော်ကိုပင့်ပြီး တိုင်းပြည်ကထွက်ဖို့ မိန့်တော် မူပါတယ်တဲ့ မယ်တော်ကြီး၊၊
စွယ်တော်ကိုပင့်ပြီး လင်္ကာဒီပ သီဟိုဠ်ကျွန်းကို ထွက်ပြေးဖို့၊ သီဟိုဠ် ကျွန်းရောက်တဲ့အခါ မိတ်ဆွေ သူငယ်ချင်း မဟာသေနမင်းကို အကျိုး အကြောင်းလျောက်တင်ပြီး စွယ်တော်ကို အပ်နှံဖို့ သမီးတော်နဲ့ သားတော်ကို မှာလိုက်ပါတယ်တဲ့၊၊
သားတော်နဲ့ သမီးတော်တို့ဟာ ကုန်းအတန်တန် ရေအတန်တန်ဖြတ်ကျော်ပြီး သီဟိုဠ်ပြည်ကို ထွက်ပြေးလာကြပါတယ်တဲ့ ဒကာမကြီး၊၊ ကံမကောင်း အကြောင်းမလှချင်တော့ သီဟိုဠ်ပြည်လဲ ရောက်ရော သူတို့ခမည်းတော် ကြီးမှာလိုက်တဲ့ မဟာသေနမင်းကြီး နတ်ရွာစံကံတော်ကုန်တာနဲ့ တွေ့ရပါတယ်တဲ့၊၊
ဒါပေမဲ့ မဟာသေနဘုရင်ကြီးရဲ့အရိုက်အရာကို ဆက်ခံတဲ့ သားတော် သီရိမေဃ၀ဏ်ဏ ရှင်ဘုရင်ဟာလည်း သာသနာတော်ကို ကြည်ညိုလေးမြတ်သူ ဖြစ်တာကြောင့် စွယ်တော်ကို သူ့ဆီအပ်နှံပြီး သီရိလင်္ကာ=သိဟိုဠ် မင်းအဆက်ဆက၊် ပြည်သူအဆက်ဆက် ကိုးကွယ်လာတာ အခုထက်ထိ ဆိုပါတော့ ဒကာမကြီး၊၊
ဒါကြောင့် စွယ်တော်လေးဆူမှာ တာဝတိံသာ နတ်ပြည်ရောက်သွားတဲ့ စွယ်တော်တစ်ဆူနဲ့၊ နဂါးပြည်ရောက်သွားတဲ့ စွယ်တော်တစ်ဆူကတော့ ဦးဇင်းတို့ မယ်တော်ကြီးတို့ ဖူးခွင့်ရဖို့ မဖြစ်နိုင် ဘူးဆိုပါတော့ဗျာ၊၊
လူ့ပြည်မှာ ကျန်နေတဲ့ တရုပ်ပြည်က စွယ်တော်နဲ့ သီရိလင်္ကာနိုင်ငံက စွယ်တော်ကတော့ ကျိုးစားရင် ဖူးခွင့်ရဖို့ မခက်ဘူးဆိုပါတော့ ဒကာမကြီး၊၊ သီရိလင်္ကာနိုင်ငံကို စွယ်တော်လာဖူးတဲ့ ကမ္ဘာက ဗုဒ္ဓဘာသာ ဟုက်သူတွေရော၊ မဟုက်သူတွေရော အမြဲစည်ကား နေတာကို ဦးဇင်းတို့ တွေ့နေရပါတယ်၊၊
စွယ်တော်ကြုပ်ကိုတော့ နေ့စဉ် တနေ့ကို နှစ်ကြိမ်ဖွင့်ပါတယ်၊၊ စွယ်တော်ကိုတော့ လေးနှစ်မှ တစ်ကြိမ်ဖွင့်ပါတယ် ဒကာမကြီး၊၊ အဲဒါကြောင့် စွယ်တော်ဖွင့်တဲ့ နှစ်ကြရင် မြန်မာပြည်ကလည်း စွယ်တော်ကိုလာဖူးကြပါတယ်၊၊
ဒကာမကြီးလဲ မြတ်စွာဘုရား စွယ်တော်ကို ဖူးခွင့်ရအောင် ဆုတောင်းပြီး ကျိုးစားပေါ့ဗျာ၊၊ ဦးဇင်းတော့ ဒီနိုင်ငံကိုရောက်ပြီး လပိုင်းလောက်မှာပဲ စွယ်တော်ကြုပ်ဖွင့်ပြတဲ့ လေးနှစ်ပြည့်နဲ့ ကြုံတာကြောင့် စွယ်တော်ကို အနီးကပ်ဖူးခွင့်ရပါတယ်၊၊ ဘ၀မှာလူဖြစ်ကျိုးနပ်တယ်လို့ကို ကြည်နူးမိတာ အမှန်ပါ ဒကာမကြီး၊၊
ဒကာမကြီး စွယ်တော်လေးဆူအကြောင်း စာတမ်း ဒါဆိုပြည့်စုံပါပြီ၊၊ အခုလောက်ရေးဖို့ စွယ်တော်နဲ့ပတ်သက်တဲ့ ကျမ်းများစွာကို လေ့လာရပါတယ် ဒကာမကြီး၊၊ ဦးဇင်းအထင်နဲ့ ရေးတာ မဟုက်ပါဘူး၊၊
နီးစပ်တဲ့ သူငယ်ချင်းတွေရော၊ အင်္ဂလိပ်လိုရော မြန်မာလိုရော ရေးထားတဲ့ စွယ်တော်လေးဆူနဲ့ ပတ်သက်တဲ့ စာအုပ်တွေကနေမှ အဖြစ်နိုင်ဆုံးတွေကို ယူပြီး ဒီစာတမ်းလေးကို ရေးပေးလိုက်တာပါ၊၊ စွယ်တော်နဲ့ ပတ်သက်ပြီး အငြင်းပွားနေကြတာတွေက အများကြီးပါ၊၊
သူ့စွယ်တော်က စစ်တယ်၊ ငါ့စွယ်တော်က စစ်တယ်ဆိုပြီး ငြင်းနေကြတာဆိုပါတော့ ဒကာမကြီး၊၊ အခု ဦးဇင်း ရေးပေးလိုက်တဲ့ စွယ်တော်လေးဆူကတော့ ကမ္ဘာကလက်ခံတဲ့ စာပေမှတ်တမ်းများမှာလဲ တကယ်ပါတဲ့ စွယ်တော်လေးဆူပါ၊၊
မယ်တော်ကြီး စွယ်တော်အကြောင်းကို လေ့လာဖတ်ရှုပြီး၊ စွယ်တော်တွေကို ဖူးခွင့်ရပြီး ကျန်းမာ ချမ်းသာ ဘေးရန်ကင်းပြီး၊ နိဗ္ဗာန်ရပါစေ………………
အရှင်ကေ၀လ(အလင်းစက်)
{မဟာဝိဇ္ဇာ-သီရိလင်္ကာ}
(သီရိလင်္ကာနိုင်ငံ)
သိဒ္ဓတ္ထဘုရားအလောင်းတော်နှင့် ယသော်ဓရာမင်းသ္မီး တို့  လက်ထပ်ထိမ်းမြားခန်း..........
 |
| မိခင် ဖခင်တို့ ကိုစော်ကားလျှင်။။။။။။။။။။။။ |
for everyone |
မိတ်ဆွေ တစ်ယောက်နှင့် အွန်လိုင်းမှာ စကားလက်စုံကြမိရင်း သူက တောင်းဆိုလာသည်။ အမေ့ကျေးဇူး ကို
ဖွဲ့နွဲ့ရေးသားထားတဲ့ ဆောင်းပါးမျိုးတွေ ခဏခဏ ဖတ်ဘူးတယ်၊ အဖေ့ကျေးဇူး နဲ့ ပတ်သက်ရင် ရေးသား
တာ၊ ဖွဲ့နွဲ့တာမျိုးတွေ နဲပါးတယ်ဆိုတဲ့အကြောင်း ပြောပြီး စာရေးသူကို အဖေ့ကျေးဇူး နဲ့ ပတ်သက်တဲ့
ဆောင်းပါးလေးတခုလောက် ရေးပေးဖို့ တောင်းဆိုလာသည်။ ကြိုးစားကြည့်မည်ဟု ပြောလိုက်ပေမယ့်
တကယ်ရေးမည်ဆိုသောအခါ ဘာရေးရမှန်း မသိတော့။ မိဘကျေးဇူး တို့မှာ မိမိအတွက်တော့ စကားလုံး
ဖြင့်ထုတ်ပြဖို့ မဖြစ်နိုင်လောက်အောင် များပြားလှသည်သာ ဖြစ်ပါသည်။ များပြားလွန်းလှသော မိခင်ဖခင်
တို့၏ ကျေးဇူးအနန္တဂုဏ်အင်ကို ထုတ်ပြဖို့ဆိုသည်မှာ စာရေးသူအနေနှင့် တကယ်မစွမ်းဆောင်နိုင်လှပါ။
ထို့ကြောင့် မိဘကျေးဇူး ဆိုတာကို ထုတ်ဖော်ရေးသားဖို့ မစွမ်းနိုင်လှပေမယ့် အမိအဖ ကိုစော်ကားလျှင်
ကျေးဇူးရှင်ကို ပြစ်မှားလျှင်တော့ ရရှိနိုင်မယ့် အပြစ်ဆိုးကျိုးတွေကိုတော့ ထုတ်ပြချင်နေမိသည်။
ပြီးခဲ့သော ရက်အနည်းခန့်က ဘယ်မှမသွားဖြစ်ဘဲ ကျောင်းမှာအေးအေးဆေးဆေးနေပြီး သတင်းစာစောင်
တစ်ခုကို ဖတ်နေခိုက် အတူနေမိတ်ဆွေ ရဟန်းတစ်ပါးက ပြည်ပနိုင်ငံတခုမှာ သားက အဖေကို သတ်လိုက်
တယ်ဆိုတဲ့အကြောင်းကို စာစောင်တစ်ခုမှာ ဖတ်လိုက်ရသည်ဆိုတဲ့အကြောင်းလာပြောသည်။ ကိုယ့်နိုင်ငံမှာ
ဖြစ်တာမဟုတ်တဲ့အတွက်ကြောင့် စာရေးသူအနေနဲ့ ထိုအကြောင်းအရာနဲ့ ပတ်သက်ပြီး ဘာမှအကျယ်တ၀င့်
မပြောဖြစ်ခဲ့။ အတွေးထဲမှာတော့ ငယ်စဉ်က တွေ့မြင်ကြုံတွေ့ခဲ့ဘူးတဲ့ အဖြစ်အပျက်လေးတစ်ခုကို အမှတ်ရမိသည်။
နာမည်က မောင်ဆန်း တဲ့ အမည်နဲ့လိုက်အောင် ဆန်းတာတော့ တော်တော်ဆန်းသည် ကောင်းတဲ့
နေရာမှာ ဆန်းတာတော့မဟုတ် ဆိုးတဲ့နေရာမှာ သူမတူအောင် ဆန်းခြင်းဖြစ်၏။ မနက်မိုးလင်းတာနဲ့ အရက်နဲ့
မျက်နှာသစ်ပြီးနေပြီ နေ့စဉ်နဲ့အမျှ မူးယစ်သောင်းကျန်းကာ မိခင်ဖခင်တို့အား မကြားဝံ့မနာသာ အောဟစ်ဆဲဆို
နေသည့် အသံကို သူ့အိမ်နားက ဖြတ်သွားသူတိုင်းကြားနေရသည်။ ရပ်ရွာရှိ လူအများမှ အစပထတွင်
ဝိုင်းဝန်းဆုံးမတာမျိုး ရှိပေမယ့် မည်သူမှ ဆုံးမ၍ မရ။ တရွာလုံး၏ အော်ကျော့လန်ဖြစ်လာပြီး အားလုံးက
ဝိုင်းကျဉ်ထားလိုက်ကြသည်။ နောက်ဆုံး ဘယ်လောက်ထိ ဆိုးလာသလဲဆိုရင် ဖခင်ကို ဓားနဲ့လိုက်ပြီး သတ်ဖို့
ကြိုးစားလာသည်။ ဘေးပတ်ဝန်းကျင်မှ လူအများ၏ ၀င်ရောက်ကူညီမှု့ကြောင့် ဖခင်ကြီးခဗျာ သေဘေးမှ
လွတ်ရရှာ၏။ နေ့စဉ်နဲ့ အမျှ မိဘကို အမျိုးမျိုးစိတ်ဆင်းရဲအောင် လုပ်ပြီး ကျေးဇူးရှင်ကို ပြစ်မှားနေသော
ထိုငမိုက်သား မောင်ဆန်း လူ့ဘ၀မှာ ကြာကြာမနေလိုက်ရ ငယ်ငယ်ရွယ်ရွယ်ဖြင့် အသေဆိုးနှင့်သေကာ
လူ့လောကကြီးမှ ထွက်ခွါသွားရရှာပါသည်။ မောင်ဆန်း၏ အဖြစ်အပျက်ကိုကြည့်ပြီး မိဘကို စော်ကားလျှင်
ငယ်ငယ်ရွယ်ရွယ် နဲ့ သေဆုံးရတတ်ကြောင်း၊ ရောဂါဘယထူပြောကြောင်း၊ ဘေးဆိုး အန္တရာယ်ဆိုး
တွေနဲ့ အမြဲကြုံတွေ့ရကြောင်း စသည်စသည်.. ဖြင့် လူကြီးသူမများမှ ဆိုဆုံးမှု့ များကို ပြန်လည်မြင်ယောင်
နေမိသည်။
ဤသို့ဖြင့် စာရေးသူ၏ အတွေးများက လွန်ခဲ့သည်လက သွားရောက်ခဲ့သည့် မြန်မာပြည်၏ ရှေးဟောင်း ယဉ်
ကျေးမှု့မြို့တော်ကြီး ပုဂံ သို့ ရောက်ရှိသွားပြန်သည်။ စာရေးသူရောက်ဖူးသမျှ နေရာဒေသ အားလုံးတို့အထဲ
တွင် ပုဂံမြို့ လောက် အနှစ်သာရ၊ ရသ နှင့် ခံစားမှု့မျိုးစုံပေးနိုင်တဲ့ နေရာ ဘယ်နေရာမှ မရှိသေးဟု ထင်မိသည်
ရှေးမြန်မာဘုရင်များ၏ အတွေးအခေါ်၊ ပညာရှင်များ၏ အနုပညာလက်ရာများက မြင်ရသူတိုင်း မချီးကျူးဘဲ
မနေနိုင်လောက်အောင် ထူးခြားဆန်းပြားလှသည်။ ဘယ်နေရာကြည့်ကြည့် လက်ညိုးထိုးမလွဲ ဘုရားစေတီ
ပုထိုးများက ကမ္ဘာ့အလယ်တွင် မြန်မာဟူ၍ ဂုဏ်ယူဝံ့ကြွားစွာ ပြသနေသော အဓိကသော့ချက်တခု ဖြစ်နေ၏။
မိမိကိုယ်ကိုလည်း မြန်မာပြည်မှာ လူလာဖြစ်ရတာကို ဂုဏ်ယူဝမ်းမြောက်မဆုံး ဖြစ်နေမိသည်။
ပုဂံဘုရားများထဲတွင် ပုဂံခေတ်မှ ယခုအချိန်ထိ မပြုမပြင် မပျက်မစီးဘဲ တည်ရှိနေသော ဓမ္မရံကြီး ဘုရားသို့
ရောက်သောအခါ တွေ့ရသော အနုပညာလက်ရာများ၊ ဘုရားကြီး၏ ထုထည်၊ ဘေးပတ်လည်တွင် ရှိသော
မဟာရံတံတိုင်းကြီးက စာရေးသူအဖို့တော့ တော်တော်အံ့အားသင့်စေခဲ့၏။ ဘုရားကြီးကို တည်ဆောက်ခဲ့သော
ဘုရင်ကိုလည်း စိတ်ဝင်စားမိသည်။ ဘုရားဖူးရာတွင် အတူပါလာသော မိတ်ဆွေ ကိုမင်းသူရိန် မှ ဓမ္မရံကြီး
ဘုရား၏ တည်ဆောက်ပုံ၊ အနုပညာလက်ရာများ၊ သမိုင်းကြောင်းစသည်တို့ကို လိုက်လံရှင်းပြပါသည်။
ဓမ္မရံကြီးဘုရားကို တည်ဆောက်သူ ဘုရင် နရသူ သည် အဖေကို သတ်တဲ့မင်း၊ အကိုဖြစ်သူကို သတ်တဲ့မင်း၊
ဘုရားကြီးတည်ဆောက်ရာတွင်လည်း အုပ်စီရာတွင် မသေသပ်ပါက လက်ဖြတ်သတ်ဖြစ်ကြောင်း၊ နရသူ
လက်ထက်တွင် ကောင်းတာဆို၍ ဒီဘုရားတည်တာ တခုသာရှိကြောင်း ပြောပြလာသောအခါ ပို၍မင်သက်
အံ့သြမိသည်။ နောက်ပိုင်းတွင် ဘုရင်နရသူ အကြောင်းကို လေ့လာကြည့်မိသော အခါတွင်တော့ အလွန်ဆိုး
သော မင်းဆိုးမင်းညစ် ဖြစ်ကြောင်း တွေ့ရပေ၏။ ဖခင်ကိုသတ်သော နရသူ ၏ ဇာတ်သိမ်းခန်းတွင် အသေဆိုး
နဲ့ သေရကြောင်း တွေ့ရပေ၏။ ဓမ္မရံကြီးဘုရားကို ယခုလိုမျိုး ပေါ်ပေါက်လာအောင် တည်ဆောက်သူမှာ ဘုရင်
နရသူ ရဲ့ အတွေးအခေါ်ဥာဏ်ပညာဖြင့် တည်ဆောက်သလော၊ သို့တည်းမဟုတ် ပညာရှိအမတ် အနန္တသူရိယ
အမတ်ကြီး၏ ဥာဏ်ပညာတို့ဖြင့် တည်ဆောက်ခဲ့လေသလော ဟု သို့လောသို့လော နှင့် စာရေးသူ၏
အတွေးများထဲ ယခုအချိန်ထိ ဝေခွဲမရဘဲ ရှိနေမိသည်။
ဓမ္မရံကြီး ဘုရားကို လေ့လာလို့ ပြီးသောအခါ စာရေးသူတို့အဖွဲ့သည် နောက်ဘုရားတဆူသို့ သွားရောက်လေ့
လာဖို့ ထွက်ခဲ့ကြပြန်၏။ ကားပေါ်ရောက်သောအခါ ကိုလင်းအောင်ပြည့်မှ ယခုသွားရောက်မယ့် ဘုရားမှာ
ပြဿဒ်ကြီး ဘုရားဖြစ်ကြောင်း၊ ပြဿဒ်ကြီးဘုရားကို တည်ဆောက်သော ဘုရင်မှာ မြန်မာတို့၏ အယူအဆ
တခုဖြစ်သော ရက်ရာဇာ၊ ပြဿဒါး နေ့များကို ဆန့်ကျင်ပြီး အုတ်ဖုတ်သောနေ့၊ ပန္နက်ချသောနေ့၊ စတင်တည်
ဆောက်သောနေ့ ၊ နေကဇာတင်သော နေ့ စသည်တို့ကို ပြဿဒါးနေ့မှာချည်းပဲ လုပ်ဆောင်ခဲ့ကြောင်း
ပြောပြလာသောအခါ စိတ်ထဲတွင် အလွန်ကြည်နူးမိသည်။ ဘုရားကြီး ဖူးမြော်လေ့လာအပြီး ကားပေါ်ပြန်
ရောက်သောအခါ အတူပါလာသော ဒကာ ဒကာမများနှင့် ဘုရားကြီးအကြောင်းနဲ့ ပတ်သက်ပြီး ဆွေး
နွေးပြောဖြစ်ကြပါသည်။
“ ပုဂံ ဘုရားတွေထဲမှာ ဒီ ပြဿဒ်ကြီး ဘုရားကို နာမည်နဲ့ သမိုင်းကြောင်းကြားတာနဲ့တင် ဦးဇင်းတော့
တော်တော်သဘောကျမိတယ်”
“ ဘာဖြစ်လို့လဲ ဦးဇင်း၊ ဦးဇင်းကလည်း ပြဿဒါးနေ့တွေဆိုတာမျိုးကို အယုံအကြည်မရှိလို့လား”
“ဟုတ်တယ် ဒကာမကြီး၊ ရက်ရာဇာ၊ ပြဿဒါး ဆိုတဲ့ နေ့မျိုးတွေကို ငယ်ငယ်ကတည်းက အယုံအကြည်
မရှိဘူး၊ အလုပ်တခုကို ရက်ရာဇာနေ့မှာ လုပ်ရင် အောင်မြင်မယ်၊ ပြဿဒါးနေ့မှာ လုပ်ဆောင်ရင် အဆင်
မပြေဘူးဆိုတဲ့ မြန်မာတွေ လက်ခံယုံကြည်ထားတာမျိုးကို ဦးဇင်းအနေနဲ့ သဘောမကျမိဘူး၊ ဘယ်လိုနေ့မျိုး
မှာဘဲ လုပ်လုပ် ကောင်းတဲ့အလုပ်မျိုးလုပ်တယ်ဆိုရင် အဲဒီနေ့မျိုးဟာ မင်္ဂလာရှိသော နေ့ပဲလေ၊ ပြဿဒါးတွေ
ရက်ရာဇာ တွေ ရွေးနေစရာ မလိုပါဘူး”
ဤသို့ဖြင့် ဘုရားအကြောင်း စသည်များပြောလိုက်၊ ဟိုဟိုဒီဒီ ပြောဖြစ်ကြရင်းနဲ့ နောက်ဘုရားတဆူသို့ ဆက်
လက်ထွက်ခွါဖြစ်ခဲ့ကြပြန်သည်။ အာနန္ဒာ ဘုရားသို့ ရောက်သောအခါတွင်လည်း အာနန္ဒာဘုရား၏ အနုပညာ
လက်ရာများကို လေ့လာပြီး အတူပါလာသော မိတ်ဆွေများဖြစ်သည့် နိုင်လင်း၊ မြူငှက်တို့နဲ့ စကားလက်ဆုံ
ကြမိပြန်သည်။
“ပုဂံ ဘုရားတွေကို လေ့လာကြည့်မိသမျှ ဘယ်ဘုရားပဲကြည့်ကြည့် တခြားသော အယူဝါဒမျိုးတွေ ရောယှက်
နေတာမျိုး မတွေ့ရဘူး။ အရပ်ရှစ်မျက်နှာ၊ ဂြိုလ်ပြေနံပြေဘုရားဆိုတာမျိုးတွေလည်း မတွေ့ရဘူး၊ ဒါကို
ကြည့်ခြင်းအား ပုဂံခေတ်က ထေရ၀ါဒ ဟာ လုံးဝစစ်မှန်တယ်ဆိုတာ ပုဂံဘုရားတွေက သက်သေပြနေတာပဲ”
“ဟုတ်တယ် ဦးဇင်း၊ တပည့်တော်လည်း အဲဒါပဲစဉ်းစားနေတာ၊ ဘယ်ဘုရားပဲကြည့် ဟိုဘက်ဒီဘက်
လေးမျက်နှာလောက်ပဲထားတယ်၊ အဲဒီနေရာတွေမှာလည်း ဗုဒ္ဓရုပ်ပွါးတော်ပဲ ရှိတာ တခြားသောအယူဝါဒ
တွေ ၀င်ရောထားတာမျိုး ဘာမှမတွေ့ရဘူး၊ ဒါနဲ့ ဒီ အာနန္ဒာဘုရားမှာ ခြေင်္သေ့တွေ တွေ့တယ်၊ ဘုရားရှေ့မှာ
ခြေင်္သေ့ကို ဘာဖြစ်လို့ ထားကြတာလဲ”
“အရင်ရှေးမြန်မာမင်းတွေ လက်ထက်တုန်းကပေါ့ကွာ၊ ဘုရင့်သမီးတော်တစ်ယောက်ဟာ တောထဲမှာ
ခြေင်္သေ့နဲ့ အကြောင်းပါးပြီး၊ သီဟဗာဟု လို့ အမည်ရတဲ့ မင်းသားလေးတစ်ပါး ဖွါးမြင်ခဲ့တယ်။
အဲဒီမင်းသားလေး ကြီးလာတဲ့အခါ တောအရပ်မှာ မနေချင်တော့လို့ ခြေင်္သေ့ကြီး အစာရှာထွက်တဲ့
အချိန်မှာ မိခင်ကို ခေါ်ပြီး၊ သူ့ရဲ့ ဘိုးတော်များရှိတဲ့ မင်းနေပြည်တော်ဆီ ပြန်သွားတာပေါ့။ ခြေင်္သေ့ကြီး
ပြန်လာတဲ့အခါမှာ သူ့သားကို မတွေ့တော့ လိုက်ရှာရင်းနဲ့ လူတွေနေတဲ့နေရာဆီ ရောက်လာပြီး သောင်းကျန်း
တော့တာပဲ။ အဲဒီအချိန်မှာ သီဟဗာဟု မင်းသားဟာ သူရဲ့ဖခင်ခြေင်္သေ့ကြီးကို ပြန်သတ်တော့တာပဲ။
သီဟဗာဟု မင်းဖြစ်လာတဲ့ အခါမှာ ခေါင်းကိုက်တဲ့ ဝေဒနာကို ကြီးစွာခံစားရလို့၊ မင်းနေပြည်တော်မှာရှိတဲ့
အကောင်းဆုံးသမားတော်တွေနဲ့ ကုလည်း မပျောက်ဘူးပေါ့။ အဲဒီတော့ ပညာရှိအမတ်တွေက ပြောကြတယ်
ဖခင်ခြေင်္သေ့ကို သတ်လို့ ခေါင်းကိုက်တဲ့ ဝေဒနာကို ခံစားရတာပဲ။ ခေါင်းကိုက်ဝေဒနာပျောက်သွားအောင်
ဘုရားရဲ့ ရှေ့မှာ ခြေင်္သေ့ရုပ်ကို တည်းထားကိုးကွယ်ပြီး ၀န်ချတောင်းပန်မှ ဒီဝေဒနာ ပျောက်မယ်ဆိုတော့
အဲဒီသီဟဗာဟု က အစပြုပြီး ခြေင်္သေ့တွေ ဘုရားရှေ့မှာ ပေါ်လာတာလို့ စာအုပ်တွေထဲမှာတော့ ဖတ်ဘူး
တယ်။ တနည်းအားဖြင့် မိဘရဲ့ ဂုဏ်ကျေးဇူးကို အောက်မေ့နိုင်အောင်ပေါ့ကွာ။ မိခင် ဖခင်ဟာ ဘာပဲဖြစ်နေ
ဖြစ်နေ သာသမီးက သတ်တယ်ဆိုရင်တော့ မာတုဃာတကကံ ပိတုဃာတကကံ ထိုက်ပြီး သေရင်တော့
အ၀ိစိ ရောက်မှာပါပဲ” ဟု ရှင်းပြ ဖြစ်ခဲ့ပါသည်။
ဖခင်ကို ပြစ်မှားလျှင်၊ ဖခင်ကို စော်ကားလျှင် ယခုဘ၀မှာလည်း ကောင်းကျိုးမပေး၊ ဆိုးကျိုးတွေပဲ ကြုံတွေ့ရ
တတ်ကြောင်း၊ သေလွန်သည့်အခါမှာလည်း အ၀ိစိ ငရဲရောက်ရကြောင်းကို ဘုရားရှင်လက်ထက်က ဖခင်
ဗိမ္ဗိသာရ ကို သတ်သော အဇာတသတ် မင်းသားကို ကြည့်၍လည်း သိနိုင်ပေ၏။ အဇာတသတ် သည်
ယခုဘ၀တွင် မဂ်ဖိုလ်ရနိုင်သောသူ ဖြစ်ပါလျှက် ဒေ၀ဒတ်ကို ဆရာတင်မှားမိသောကြောင့်၊ ဖခင်ကိုသတ်
ကာ အ၀ိစိငရဲ သို့ သွားရရှာပါသည်။ ဆရာအတင်မှားလျှင် အပါယ်ငရဲရောက်နိုင်တတ်ကြောင်း စာဖတ်သူ
များ ကောင်းကောင်းသတိချပ်အပ်ပါ၏။ ဗိမ္ဗိသာရမင်းကြီးကို အဇာတသတ် သတ်သည်ဟုသာ လူတော်
တော်တော်များက သိထားကြပါသည်။ အဇာတသတ်ကိုကော ဘယ်သူသတ်သလဲဆိုတာ သိသူနည်းမည်
ထင်မိပါ၏။ သာမညဖလ သုတ္တန်တွင် အောက်ပါအတိုင်း တွေ့ရပါသည်…
“အဇာတသတ္ထု ဗိမ္ဗိသာရံ ဃာတေသိ။ ဥဒယော အဇာတသတ္ထုံ၊ တဿ ပုတ္တော မဟာမုဏ္ဍိကော နာမ
ဥဒယံ၊ တဿ ပုတ္တော အနုရုဒ္ဓေါနာမ မဟာမုဏ္ဍိကံ၊ တဿ ပုတ္တော နာဂဒါသော နာမ အနုရုဒ္ဓံ။
နာဂဒါသံ ပန “၀ံသစ္ဆေဒက ရာဇာနော ဣမေ၊ ကိံ ဣမေဟိ” တိ၊ ရဌ၀ါသိနော ကုပိတာ ဃာတေသုံ”
(သီ၊ ဌ၊ သာမညဖလသုတ္တ)
ဗိမ္ဗိသာရ ကို အဇာတသတ်မင်းသားက သတ်၏။
အဇာတသတ် ကို သားဖြစ်သူ ဥဒယဘဒ္ဒ မင်းသားက သတ်၏။
ဥဒယဘဒ္ဒ ကို သားဖြစ်သူ မဟာမုဏ္ဍိက မင်းသားက သတ်၏။
မဟာမုဏ္ဍိက ကို သားဖြစ်သူ အနုရုဒ္ဓ မင်းသားက သတ်၏။
အနုရုဒ္ဓ ကို သားဖြစ်သူ နာဂဒါသ မင်းသားက သတ်၏။
နာဂဒါသ မင်းသား၏ လက်ထက်တွင်မူ တိုင်းသူ ပြည်သားများက ဒီမင်းတွေက အနွယ်ကို ဖျက်တဲ့ မင်းတွေပဲ။
ဖခင်ကို သတ်တဲ့ မင်းဆိုးမင်းညစ်တွေပဲ ဟု ဆိုကာ တိုင်းသူပြည်သားအပေါင်းမှ နာဂဒါသ ကို သတ်ပစ်လိုက်
ကြပါသည်။ ထို အခါမှ စ၍ အဇာတသတ် ၏ မျိုးဆက်လည်း ပြတ်သွားသည်ကို တွေ့ရပေ၏။
ဤ သာဓကတို့ကို ကြည့်ပါက ဖခင်ကို စော်ကားလျှင်၊ ဖခင်ကို သတ်လျှင် ယခုပစ္စုပ္ပန် ဘ၀တွင်လည်း
အသေဆိုးနဲ့ သေရကြောင်း တွေ့ရပေ၏။ သေလွန်သည့် အခါတွင်လည်း အ၀ိစိငရဲ သို့ မလွဲမသွေ
ရောက်ရကြောင်း တွေ့ရပေ၏။ အချုပ်အားဖြင့် ဆိုချင်သည်မှာ စာဖတ်သူအပေါင်း သူတော်ကောင်းများသည်
မိခင် ဖခင်တို့၏ ကျေးဇူးကို မပေးဆပ်နိုင်လျှင်တောင်မှ မိခင် ဖခင် တို့အပေါ်တွင် မပြစ်မှားမိဖို့၊
မစော်ကားမိဖို့ စာရေးသူအနေနဲ့ တိုက်တွန်းချင်ပါသည်။
မိခင် ဖခင်တို့၏ ဂုဏ်ကျေးဇူးကို တတ်စွမ်းနိုင်သမျှ ပေးဆပ်နိုင်သော သားကောင်းရတနာ၊ သမီးကောင်း
ရတနာလေးများ ဖြစ်နိုင်ကြပါစေ ဟုလည်း ဆုတောင်းမေတ္တာပို့သမိပါ၏။
အရှင်ဝရသာမိ ၏ စာသားကို
ပြန်လည် ဖြန့် ဝေခြင်းဖြင့် 
ကုသိုလ်ပြုပါ၏။။။။
မောင်လင်း
သိုက်ဝါးကုန်း
ကချင်ပြည်နယ်
မိုးကောင်းမြို့ နယ်
maungmaungkachin@gmail.com
No comments:
Post a Comment